Америка Қўшма Штатларининг Apple компанияси томонидан ишлаб чиқарилган iPhone смартфонлари нархи АҚШ президенти Доналд Трамп маъмурияти жорий қилган янги божхона тўловлари туфайли 43 фоизгача ошиши мумкин. Бу маълумот Rosenblatt Securities инвестиция банки таҳлилчиларининг баҳолашларига асосланиб, Reuters агентлиги томонидан эълон қилинди.
Таҳлилчиларнинг ҳисоб-китобларига кўра, илгари 799 доллар турган iPhone 16'нинг асосий модели нархи 1142 долларгача кўтарилиши, iPhone 16 Pro Max’нинг энг юқори версияси нархи эса 1599 доллардан 2300 долларгача ўсиши мумкин. Мутахассислар фикрича, агар ишлаб чиқариши асосан Хитойда жойлашган Apple қўшимча харажатларни харидорларга юкласа, бундай нарх ўсиши юз бериши эҳтимоли бор.
Нашр эслатиб ўтишича, Трамп ўзининг биринчи президентлик муддати давомида Америка компанияларини ишлаб чиқаришни АҚШ ёки қўшни мамлакатларга кўчиришга ундаш мақсадида Хитойдан келтирилаётган кўплаб маҳсулотларга божлар жорий этган эди. Ўшанда Apple маълум имтиёзларга эришишга муваффақ бўлган, аммо бу сафар ҳеч қандай истиснолар ҳақида хабар берилмаган.
Трамп 2 апрель куни 185 мамлакат ва ҳудуддан келтирилаётган маҳсулотларга божхона тўловлари жорий этилишини эълон қилди. У импорт товарларга энг кам бож ставкасини 10 фоиз миқдорида ўрнатишини билдирди. Айрим давлатлар учун эса алоҳида тарифлар белгилади. Божлар жорий этилганидан сўнг, Америка бозори кучли тушкунликни бошдан кечирди.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Шов-шув! Хитой денгиз остида 100 миллион тонна нефть топди!
Эндиликда 11,25 млн сўмдан юқори пул ўтказмалари қатъий назоратда бўлади
