АҚШ Сенати Пит Хегсетни мудофаа вазири лавозимига тасдиқлади.
Маълум қилинишича, бу номзод бўйича юқори палатадаги фикрлар тенг бўлинган, шу сабабли АҚШ вице-президенти Жеймс Девид Венс ўз овоз бериш ҳуқуқидан фойдаланган. АҚШ Конституциясига кўра, у Конгресснинг юқори палатасига раислик қилади.
44 ёшли Хегсет АҚШ Қуролли кучлари фахрийси ва жанговар ҳаракатлар иштирокчисидир. У қуруқликдаги кучларда майор унвони ва ҳарбий орденга эга. У зобитлик унвонини ўзининг туғилган Миннесота штатидаги Миллий гвардиядаги хизмати орқали олган.
Бундан ташқари, Хегсет Fox News телеканалида саккиз йил бошловчи бўлиб ишлаган. Шунингдек, у бир нечта китоблар ёзган ва иккита фахрийлар ҳуқуқларини ҳимоя қилиш ташкилотига раҳбарлик қилган. Принстон ва Гарвард университетларида таҳсил олган.
