АҚШ россиялик собиқ вазирни санкциялар рўйхатидан чиқарди

Шу билан бирга, бу қадам Вашингтоннинг Москвага нисбатан санкциялар сиёсати ўзгарганини англатмаслиги таъкидланди.

Donald Trump маъмурияти жума куни Россия ҳукумати ва банк соҳасида фаолият юритган ветеран Mikhail Zadornovни санкциялар рўйхатидан чиқарди. Бу ҳақда Reuters АҚШ Молия вазирлиги баёнотига таяниб хабар қилди.

Задорнов 1997–1999 йилларда молия вазири лавозимида ишлаган, 2005 йилдан эса Россия давлат банки VTB Bankнинг шўъба корхонаси «ВТБ 24»га раҳбарлик қилган. Кейинчалик у 2018 йилда миллийлаштирилганидан сўнг «Открытие» банкини бошқарган.

Украинадаги уруш бошланганидан кейин Задорнов АҚШ санкциялари остига тушган, аммо кейинчалик у норозилик билдириб, ариза топширган ва унинг илтимоси қаноатлантирилган, деб хабар берди Reuters манбаси.

Манбага кўра, Задорновнинг санкциялар рўйхатидан чиқарилиши Вашингтоннинг Москвага нисбатан позицияси ўзгарганини англатмайди.

«Жисмоний шахсларга нисбатан санкциялар жорий этиш ҳам, уларни бекор қилиш ҳам АҚШ ташқи сиёсий мақсадларини амалга ошириш воситасидир», — деди расмий. Унинг қўшимча қилишича, санкцияларнинг мақсади жазолаш эмас, балки АҚШ манфаатларига мос келадиган ижобий хулқ-атвор ўзгаришига эришишдир.