Reuters агентлишининг манбаларига таяниб хабар беришича, Қўшма Штатлар ҳарбийлари Россия байроғи остида сузган ва Венесуэла нефтини етказиб беришга боғлиқ бўлган Marinera (аввалги номи Bella 1) нефт танкерини қўлга олди.
Операция кема Атлантика океанида икки ҳафтадан ортиқ вақт давомида таъқиб қилингандан сўнг ўтказилган. Агентлик маълумотига кўра, ҳужум ҳақида қарор танкер Қўшма Штатларнинг Венесуэла соҳиллари яқинидаги денгиз блокадаси зонасидан чиққанидан кейин қабул қилинган.
Танкерни қўлга олиш операциясида АҚШнинг Boeing КC-135Т Stratotanker ёнилғи қуйиш самолёти, Boeing P-8А Poseidon патрул самолёти, бир нечта Pilatus U-28А Draco махсус вазифали самолётлари ҳамда вертолётлар иштирок этган.
"АҚШ амалиёти вақтида танкер яқинида Россия ҳарбий кемалари ва сувости кемаси бўлган, бироқ улар ҳеч қандай ҳаракат қилмаган. Ушбу ҳодиса Вашингтон ва Москва ўртасидаги кескинликни янада кучайтириши мумкин", дея ёзмоқда Reuters.
Хоин тан соқчи 50 миллион доллар олиши мумкин
Мадуронинг ўғли отасининг ўғирлаб кетилишидан сўнг унга мурожаат қилди
Байден йилига қанча нафақа олади?
