шунингдек, АҚШ уруш фақат музокаралар йўли билан якунланиши кераклигини билдирди
Бу ҳақда БМТ Хавфсизлик Кенгаши йиғилишида АҚШ вакили Дэн Негреа баёнот берди.
“Қўшма Штатлар Россия-Украина урушининг сўнгги пайтларда кескинлашганидан, жумладан, ўтган ҳафтада Россиянинг дрон ва ракета зарбалари оқибатида 20 дан ортиқ тинч аҳоли вакиллари ҳалок бўлгани ва яна кўплаб инсонлар жароҳатланганидан ҳамон хавотирда”, — деди у.
Негреа, шунингдек, АҚШ Давлат котиби Марко Рубио сўзларидан иқтибос келтириб, Россиянинг Украинага бостириб кириши “стратегик фалокат”га айланганини таъкидлади.
“Унинг нефтни қайта ишлаш заводлари ёнмоқда ва Россия ҳозирда ҳар ой 5000 кишини йўқотмоқда. Москва жанг майдонида ўз мақсадларига эриша олмайди. Вазиятнинг кескинлашиши буни ўзгартирмайди ва фақат фалокатни янада чуқурлаштириш хавфини туғдиради. Бу уруш ҳозир тугаши керак. Етар энди. Афсуски, музокаралар шу вақтгача тинчликка эришиш учун зарур бўлган келишувлар ва ён беришлар алмашинувига олиб келмади”, — деб баёнот берди АҚШ вакили.
Унинг қўшимча қилишича, Вашингтон “ҳар икки томонни зудлик билан урушни музокаралар орқали якунлашга олиб келадиган ҳар томонлама ўт очишни тўхтатишга келишиб олишга” чақиради.
“Ўч олиш, кескинлашув, зўравонлик ва ўлимлар занжири тўхташи керак”, — дея таъкидлади Негреа.
Унинг сўзларига кўра, АҚШ барча давлатларни Россиянинг ҳарбий ҳаракатларини қўллаб-қувватлашни тўхтатишга ҳам чақирмоқда.
“Бу Москвага Украинада фойдаланиш учун дронларни етказиб берган Эронга ва минглаб ёлланма аскарларининг Россия томонида жанг қилишига рухсат бериб, урушни давом эттираётган Кубага тегишлидир. Бу уруш фақат музокаралар йўли билан якунланиши мумкин. Қўшма Штатлар, аввалгидек, ушбу урушнинг узоқ муддатли якунланишига кўмаклашишга тайёр”, — деди америкалик дипломат.
Миллион россиялик мамлакатни тарк этди
Ўзбекистон – Нидерландия ўртоқлик ўйини Нью-Йоркда бўлиб ўтади
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
