АҚШ вице-президенти Жей Ди Вэнс Россия-Украина можароси олти ой ичида ҳал этилишига умид қилишини айтди.
Бу ҳақда АҚШ вице-президенти NBC News телеканалига берган интервьюсида маълум қилди.
"Бизда қон тўкилишини тўхтатиш учун фаол дипломатия олиб бораётган президентимиз бор. Шундай бўлиши керак. Менимча, америкаликлар бундан фахрланиши керак. Оқибати қандай бўлишидан қатъи назар, уруш уч ой ёки олти ой ичида тугайди, умид қиламанки, бизда қон тўкилишини тўхтатишга ҳаракат қилаётган президентимиз борлигидан фахрланишимиз керак", - деди у.
