Эрон зарбаларидан сўнг Америка объектларига етказилган зарар минимал даражада бўлди, деб хабар бермоқда АҚШ Қуролли Кучлари Марказий қўмондонлиги (CENTCOM).
«АҚШ объектларига етказилган зарар жуда кам бўлди ва амалиётлар ўтказилишига таъсир қилмади», — дейилади баёнотда.
CENTCOM қўшимча қилишича, америкалик ҳарбий хизматчилар орасида жабрланганлар йўқ.
Қайд этилишича, АҚШнинг Яқин Шарқдаги кучлари Эрон томонидан учирилган юзлаб ракета ва дронларни қайтаришга муваффақ бўлган.