АҚШ Президентининг махсус вакили: "Америкада журналистика ўлди"

Америка журналистикаси ўлди ва мамлакат оммавий ахборот воситалари тижорат корхоналарига айланиб, холис ва объектив бўлишдан тўхтади.

Бу ҳақда АҚШ Президентининг махсус вакили Ричард Гренелл маълум қилди.

"Муаммо шундаки, журналистика ўлди. Америкаликлар оммавий ахборот воситаларини тижорат корхоналари деб билишади - улар энди объектив ва холис ёритишни таъминламайдилар. Шунинг учун уларга хусусий корхоналар каби муносабатда бўлинг", деб ёзган Гренелл Х нашрида CNN, MS NOW ва Politico журналистлари учун Оқ уйга киришнинг тақиқланиши ҳақида изоҳ берар экан.