АҚШ президенти глобал иқлим исиши ҳақидаги гапларни сафсата деб атади

Доналд Трамп GB News телеканалига берган интервюсида глобал иқлим ўзгариши ҳақидаги гапларни "ёлғон" ва "аҳмоқлик" деб атади.

"Аввал буни “глобал исиш” деб аташарди, кейин совуқроқ бўлди, энди эса “иқлим ўзгариши” деб аташмоқда", — деди Трамп.

АҚШ президенти Доналд Трамп Нью-Йоркда БМТ Бош ассамблеясида сўзлаган нутқида ҳам иқлим ўзгариши дунёдаги энг катта фитна эканлигини айтган эди. У 150 дан ортиқ давлат раҳбарлари ва халқаро амалдорлар олдида нутқ сўзлаб, мамлакатларни "яшил сиёсат"дан воз кечишга чақирди.