АҚШ президенти: "Эрон билан келишувга эришилмагунча, биз блокадани бекор қилмаймиз"

АҚШ Теҳрон келишувга рози бўлмагунча, Ҳормуз бўғозидаги Эрон портларини блокада қилишни давом эттиради.

АҚШ президенти Доналд Трамп бу ҳақда Truth Social ижтимоий саҳифасида ёзди.

"Энг муҳими, Эронни бутунлай вайрон қилаётган блокада КЕЛИШУВ бўлмагунча бекор қилинмайди. Улар кунига 500 миллион доллар йўқотмоқдалар, бу ҳатто қисқа муддатда ҳам барқарор бўлмаган кўрсаткич", деб таъкидлади у.

Трампнинг сўзларига кўра, хорижий оммавий ахборот воситаларининг кўплаб вакиллари Америкага қарши риторикани тарқатиб, Эрон тарафини олмоқда. Бироқ, Америка раҳбари Теҳрон ҳокимият тепасида экан, бу урушдан ғалаба қозонмаслигини таъкидламоқда: "Худди бу ватанпарвар бўлмаган одамлар сайловларда менга қарши курашиш учун (муваффақиятсиз) чекланган кучларининг ҳар бир унциясидан фойдаланганлари каби, улар Эронга ҳам шундай қилишда давом этишмоқда. Натижа бир хил бўлади - аллақачон шундай!"