АҚШ президенти Дональд Трамп 1 августдан бошлаб божларни ошириш бўйича олтита мамлакатга мактуб йўллади. Улар Жазоир, Бруней, Ироқ, Ливия, Молдова ва Филиппин ҳукуматларига юборилган.
Associated Press нашри хабарига кўра, Жазоир, Ироқ ва Ливия товарларига тарифлар 30 фоизгача оширилади. Бруней, Молдова ва Филиппин маҳсулотлари учун бож 25 фоизини ташкил қилади. Агентликнинг таъкидлашича, рўйхатга олинган давлатларнинг ҳеч бири АҚШнинг асосий савдо шериклари қаторига кирмайди.
Апрель ойи бошида Дональд Трамп дунёнинг деярли барча мамлакатлари товарларига бож жорий этилишини эълон қилди. Улар 9 апрелда кучга кириши керак эди, бироқ АҚШ президенти уларнинг кучга киришини уч ойга қолдирди. Июль ойи бошида Трамп Оқ уй янги божлар жорий этилгани ҳақида хабар берувчи хатлар юборишни бошлаганини эълон қилди. Улар 1 августдан бошлаб йиғилади.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
Cobalt нархи Россияда қанча?
