АҚШ мудофаа вазири Пит Хегсет АҚШ Шри-Ланка қирғоқлари яқинида Эрон ҳарбий кемасини чўктирганини тасдиқлади, деб хабар бермоқда Би-би-си мухбири Том Бейтман Пентагондаги брифингдан.
💬 «У ўзини халқаро сувларда хавфсиз деб ҳисоблаган эди. Бироқ у торпеда билан чўктирилди», — деди Хегсет.
Пентагон раҳбари ҳужумга учраган Эрон кемасининг номини очиқламади. Бироқ Шри-Ланка Ҳарбий-денгиз кучлари аввалроқ IRIS Dena кемаси Ҳинд океанида чўкканини маълум қилган. Кема бортида бўлган тахминан 140 киши бедарак йўқолган.
Кема АҚШ сувости кемаси томонидан торпедаланганига оид маълумотни Reuters агентлиги манбаларга таяниб хабар қилган.
Хегсет брифингда АҚШ зарурат бўлса, Эрондаги нишонларга ҳужумларни давом эттиришини ҳам таъкидлади.
Унинг сўзларига кўра, АҚШ ва Исроилнинг Эронга қарши операцияси бошланганига атиги тўрт кун бўлган бўлса-да, «Америка ғалаба қозонмоқда — қатъий, яксон қилувчи ва шафқатсиз тарзда», дея қўшимча қилган.
Галибаф: “Эроннинг жавоби шунчалик даҳшатли бўладики, улар ёлвориб узр сўрашади”
Эрон олий раҳбари телевидение орқали мурожаат қилади
Бухорода 21 ёшли йигит Телеграмда онлайн фоҳишахона ташкил қилди
