АҚШ Лотин Америкадаги наркокартелларга қарши қуруқликдан зарбалар беришни бошламоқчи

АҚШ Лотин Америкадаги наркокартелларга қарши қуруқликдан зарбалар беришни бошламоқчи — Доналд Трамп.

"Энди биз наркокартелларга қарши қуруқликдаги амалиётларни бошлаймиз, чунки қуруқликда бу янада осонроқ", — дея АҚШ президентининг сўзларини келтиради CNN.

Ноябр ойининг охирида Трамп АҚШ "жуда яқин вақт ичида" қуруқликдан зарбалар беришни бошлашига ваъда берган эди. Сентябр ойидан бери АҚШ Венесуэла қирғоқлари яқинидаги, Қўшма Штатларга гиёҳванд моддалар олиб кетаётганликда гумон қилинган кемаларга ракета зарбалари бермоқда.

Трамп буни "жиноий гуруҳларга қарши уруш" деб изоҳлаб, 2025 йил январида иккинчи муддати бошида АҚШ Давлат департаментига наркокартелларни террористик ташкилотларга тенглаштириш бўйича кўрсатма берганини айтди.