АҚШ кучлари Эрон ҳарбий объектларига янги зарбалар тўлқинини якунлади

АҚШ Марказий қўмондонлиги (CENTCOM) Эронга қарши яна бир зарбалар тўлқини тугаганини хабар қилди.

Бу ҳақда қўмондонлик ижтимоий тармоқ саҳифасидаги баёнотида эълон қилди.

Маълумотларга кўра, АҚШ кучлари Эрон қўмондонлик марказлари, ҳаво мудофааси иншоотлари, ракета ва учувчисиз учиш тизимлари ҳамда қирғоқ кузатув активларига зарба берган.

Операция Эроннинг Ҳормуз бўғозидан ўтаётган тижорат кемалари экипажларига таҳдид солиш қобилиятини янада камайтиришга қаратилган эди. Бандар Аббос каби бир қанча ҳудудлардаги нишонларга зарба бериш учун аниқ бошқариладиган ўқ-дорилар ишлатилган.