АҚШ Куба иқтисодиётини ривожлантиришни қўллаб-қувватлаётган саккизта ташкилот, икки нафар жисмоний шахс ва бешта кемага нисбатан санкциялар жорий этди.
Бу ҳақда АҚШ Давлат департаментининг матбуот баёнотида маълум қилинган.
«Ушбу чоралар нефть ташиш билан боғлиқ тузилмалар, Куба элитаси, техника импорти ва етказиб беришга ихтисослашган давлат компаниялари, шунингдек, Куба қуролли кучлари учун Хитойдан маҳсулот етказиб берувчиларга тааллуқли», — дейилади хабарда.
Кубага оид санкциялар рўйхатига Хитойнинг Электроника импорти ва экспорти миллий корпорацияси (CEIEC), шунингдек, унинг шўъба корхонаси — Beijing H&C Technologies ҳам киритилган.
«Кубанинг ҳукмрон элитаси ўз бойлигини орттириш мақсадида ресурсларни тўпламоқда, айни пайтда Куба халқи электр энергияси узилишлари, ёқилғи танқислиги ва иқтисодий турғунлик билан юзма-юз қолмоқда. Бу тизимни сақлаб қолиш учун ҳукумат офшор воситачилар тармоғига таянади. Давлат департаменти уларнинг айримларини санкциялар рўйхатига киритмоқда», — дея таъкидланган вазирлик баёнотида.
Ўзбекистонда кескин совуқ ва кучли ёғингарчилик кутилмоқда
Актриса Нилуфар Ҳамидова 7 суткага қамалди
"Майли мени ўлдиришсин. Лекин... "
