АҚШ Истанбулда ўтаётган Россия ва Украина музокараларига ўз вакилини юборишни режалаштирмаяпти — Оқ уй

"Умид қиламизки, Россия ва Украина келаси ҳафтада Истанбулда тўғридан-тўғри музокара ва муҳокамаларда иштирок этади. Биз бу учрашув бўлиб ўтишига ишонамиз. Президент Трамп Киев ва Москвани учрашув ўтказишга чақирган ва икки томонни бир жойга йиғилиб, бевосита музокаралар олиб боришга ундаган. Агар президент Истанбулга вакил юбориш ҳақида қарор қилса, сизларга албатта хабар берамиз. Бироқ ҳозирча бундай режа йўқ", — дея маълум қилди Оқ уй матбуот котиби Кэролайн Ливитт брифинг чоғида.