АҚШ Ҳинд океанидаги ҳарбий кучларини мустаҳкамламоқда

B-52 бомбардимон учоқлари Ҳинд океанидаги узоқда жойлашган Диего-Гарсия оролига учиб борди ва у ерда B-2 бомбардимон самолётларга қўшилди, деб хабар беради Air & Space Forces Magazine нашри.

АҚШ Ҳаво кучларининг Глобал зарба қўмондонлиги учоқларнинг жойлашувига изоҳ бермади. Саволларга жавоб тариқасида берилган баёнотда шундай дейилади: қўмондонлик “доимий равишда бошқа ҳарбий қўмондонликлар, хизматлар ва АҚШнинг тегишли ҳукумат агентликлари билан ҳамкорликда глобал операциялар ўтказади. Бу операциялар АҚШ ва унинг иттифоқчиларини стратегик ҳужумлардан тийиб туриш, аниқлаш ва зарурат туғилса, қайтариш мақсадида амалга оширилади. Операцион хавфсизликни сақлаш учун машғулотлар ёки операциялар тафсилотлари муҳокама қилинмайди”.

Диего-Гарсияда жойлаштирилган бомбардимон учоқлари Ямандаги ҳусий қўзғолончиларига қарши авиаҳужумларда иштирок этган. Аммо бу операция 6 май куни АҚШ ҳусийлар Яман соҳилидаги тижорат кемаларга ҳужумларни тўхтатишга рози бўлгач, ҳаводан бомбардимонларини тўхтатади.

Кузатувчилар ҳусийлар ҳужумларини тўлиқ тўхтатишига шубҳа билан қарайди. АҚШ эса минтақа бўйича келишувларга амал қилинишини таъминлаш мақсадида зарба бериш имкониятига эга кучларни сақлаб қолиши мумкин.

Бомбардимончиларнинг жойлаштирилиши албатта ҳужум операцияларини англатмайди. Кўп ҳолларда учувчилар ва самолётлар машғулотлар, иттифоқчилар билан қўшма тайёргарликлар ва АҚШ ҳарбий авиациясининг имкониятларини намоён қилиш учун иштирок этади.