АҚШ Ғазо секторидаги халқаро тинчликпарвар кучларга 206 миллион доллардан ортиқ маблағ ажратмоқчи

Бу ҳақда Reuters хабар берди. Агентлик манбаларига кўра, 200 миллион доллар Ғазо секторида жойлаштириладиган Халқаро барқарорлаштириш кучлари фаолияти, инфратузилмаси, асбоб-ускуналари ва транспорти учун йўналтирилади. Яна 6 миллион доллар эса Албания ва Косово контингентлари учун АҚШ зирҳли техникаларига сарфланади. Индонезия, Марокаш ва Қозоғистон ҳам Ғазога ҳарбийларини юборишга рози бўлган. Бироқ контингентни секторга жойлаштириш муддатлари ҳозирча номаълум.