АҚШ Эроннинг билвосита ядровий музокаралар таклифини кўриб чиқмоқда

Оқ уй Эроннинг билвосита ядровий музокаралар таклифини жиддий кўриб чиқмоқда.

Бу ҳақда Axios портали манбаларга таяниб хабар берди.

"Оқ уй Эроннинг билвосита ядровий музокаралар бўйича таклифини жиддий кўриб чиқмоқда", — дейилади нашр.

Аввалроқ Эрон ташқи ишлар вазири Аббос Арағчи мамлакат босим ва ҳарбий таҳдидлар остида фақат АҚШ билан билвосита музокараларга рози эканини айтган эди.

Март ойи бошида АҚШ президенти Дональд Трамп Эрон олий раҳбари Али Хоманаийга мактуб йўллаб, Теҳронга Эрон ядро дастури бўйича келишув таклиф қилганини айтган эди.