АҚШ Эронга нисбатан санкцияларни кучайтиришни тўхтатди

Оқ уй Эронга қарши янги санкцияларни жорий этишда пауза қилишни буюрди.

Бу ҳақда The Wall Street Journal манбаларга таяниб хабар берди.

Уларнинг маълумотларига кўра, ўтган ҳафта Оқ уй матбуот котиби Керолин Ливитт Давлат департаменти, Ғазначилик департаменти ва Миллий хавфсизлик кенгашига "Еронга қарши янги санксиялар жорий этиш бўйича барча фаолиятни тўхтатишни" талаб қилган кўрсатма йўллаган. Натижада АҚШ президенти Дональд Трампнинг Ислом Республикасига “максимал босим” ўтказиш кампанияси амалда тўхтаб қолди.

Ливиттнинг ўринбосари Анна Кэлли нашрга берган изоҳида бу маълумотни тўғридан-тўғри рад этмади, бироқ "ё Оқ уй ёки тегишли идоралар санксиялар масаласи бўйича ҳар қандай янги қарорни эълон қилишини" айтди. Вашингтон охирги марта 21 май куни Теҳронга қарши чекловлар жорий қилган, шундан бери Молия вазирлиги янги санксиялар эълон қилинишини камида икки марта кечиктирди, дея таъкидлайди газета.

Нефть сотиш ва музлатилган Эрон активлари бўйича асосий чекловлар ўз кучида қолиши мумкин. Бироқ, Трамп маъмуриятининг баъзи расмийлари паузанинг узунлиги ва кўлами ҳақида аниқлик йўқлигидан хавотирда. Баъзи расмийларнинг фикрича, ёндашувдан мақсад "Эрон ядровий дастури бўйича нозик музокаралар нуқтаи назаридан" келажакдаги чекловларни диққат билан кўриб чиқишдир, дейилади ҳисоботда.