Эронга яқин ҳудудда жойлаштирилган АҚШ ҳарбий-денгиз кучлари гуруҳидаги жанговар кемалар сони бир ҳафта ичида 17 тадан 21 тага етди.
Бу ҳақда АҚШ Ҳарбий-денгиз институтининг ахборот хизмати маълумотларида келтирилган.
Айни пайтда Эроннинг жануби-шарқидаги Арабистон денгизида USS George Washington ва USS George Bush авианосецлари бошчилигидаги АҚШнинг иккита авианосец зарба бериш гуруҳи жанговар навбатчиликни ўтамоқда. Ҳар бир авианосецда 48 тадан қирувчи самолёт жойлаштирилган.
Авианосецлар билан бирга Эрон яқинида битта крейсер, 11 та ракета билан қуролланган эсминец ва денгиз пиёдалари экспедицион батальонига эга учта йирик десант кемаси ҳам жойлашган.
Айни вақтда Қизил денгиз ҳудудида Ямандаги можаро фонида АҚШнинг иккита ракета билан қуролланган эсминец кемаси фаолият олиб бормоқда. Яна иккита АҚШ ҳарбий-денгиз кучлари эсминец кемаси Ҳинд океанининг шимоли-ғарбий қисмида жойлашган.
Аввалроқ The Wall Street Journal (WSJ) газетаси АҚШ Эронга қарши зарбаларни қайта бошлашга тайёргарлик кўраётгани ҳақида хабар берган эди.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
