Теҳрон уран бойитиш билан шуғулланишни давом эттира олмайди, чунки бу ядро қуролини яратишга олиб келиши мумкин. АҚШ президентининг махсус элчиси Стивен Уиткофф айтишича, бу Вашингтоннинг тамойилий позициясидир.
"Бизда жуда аниқ бир қизил чизиқ бор, ва бу уран бойитишдир, - деди у ABC News телеканалига берган интервьюсида. - Биз Эроннинг ҳатто 1 фоиз бойитиш қувватига эга бўлишига ҳам йўл қўя олмаймиз. Ҳамма нарса бизнинг тамойилий позициямиздан, яъни бойитиш имкониятини ўз ичига олмайдиган келишувдан бошланади. Биз бунга йўл қўя олмаймиз, чунки бойитиш ядро қуролини яратиш имконини беради."
Уиткоффнинг таъкидлашича, Қўшма Штатлар Теҳроннинг ядро дастури масаласида "ечим топишни истайди". "Ўйлайманки, биз бунга эриша оламиз," - дея қўшимча қилди у.
Уиткофф, шунингдек, АҚШ ва Эрон вакиллари келгуси ҳафта Европада учрашув ўтказишини маълум қилди. Унинг фикрича, АҚШ учун Эрон билан музокараларда "ўз мақсадларига эришишнинг кўплаб йўллари" мавжуд.
Гўзаллик маликаси 9 ойга қамалди
Марказий Осиё халқлари учун Россия энди қизиқ эмас
Истанбулдаги музокарада Россия Украинага бешта шарт қўйди
