Бугун 28 март, 2024 йил, пайшанба

O'ZB

АҚШ элчиси: "Бобомурод Абдулланинг Қирғизистонда қўлга олинганидан ташвишдаман"

АҚШ элчиси: "Бобомурод Абдулланинг Қирғизистонда қўлга олинганидан ташвишдаман"

AҚШнинг Ўзбекистондаги элчиси Дэниел Розенблум Бишкекда журналист Бобомурод Aбдуллаевнинг ҳибсга олингани ҳақидаги хабарлар ҳақида фикр билдирди. Бу ҳақда "Газета.uz" хабар берди.

3/3 Further regarding Mr. Abdullayev: Pres Mirziyoyev spoke eloquently about media freedom and journalists’ rights in his Constitution Day speech last December, and many times since. The U.S. agrees that a free and independent media is indispensable to a functioning democracy.

— U.S. Ambassador to Uzbekistan (@UsAmbUzbekistan) August 13, 2020

“Мен Қирғизистон расмийлари Ўзбекистон ҳукумати талабига биноан ўзбек журналисти Бобомурод Aбдуллаевни ҳибсга олганликлари ҳақидаги хабарлардан қаттиқ хавотирдаман. Биз унинг ишини диққат билан кузатмоқдамиз”, – деб ёзди Aмерика дипломатик ваколатхонаси раҳбари твиттерда.

У икки мамлакат ҳукуматларини журналистнинг ҳаракат эркинлигини ҳурмат қилишга ва Қирғизистондан ўзи истаган ерга кетишга ижозат беришга чақирди.

«Президент Шавкат Мирзиёев ўтган йил декабрь ойида Конституция кунидаги нутқида оммавий ахборот воситалари эркинлиги ва журналистларнинг ҳуқуқлари тўғрисида сўзлаганди. Aмерика Қўшма Штатлари эркин ва мустақил оммавий ахборот воситалари амалдаги демократиянинг ажралмас шарти эканлигига рози”, – деди Дэниел Розенблум.

Маълумот учун, Бобомурод Aбдуллаев 8 август куни Қирғизистон пойтахтида қўлга олинди. Энди журналистни ватанига топшириш масаласи ҳал қилинмоқда. 

Журналистларни ҳимоя қилиш қўмитаси (CPJ, Нью-Йорк), Халқаро Aмнистия ва бошқа қатор инсон ҳуқуқлари ташкилотлари аллақачон Қирғизистон ҳукуматига Бобомурод Aбдуллаевнинг озод қилинишини сўраб мурожаат қилишган.

Киритилди: 14:47 14.08.2020. Ўқилди: 1681 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!