Бу ҳақда Қўшма Штатларнинг Ўзбекистондаги элчихонаси хабар берди.
"Ҳозирдан эътиборан, АҚШ Давлат департаменти турли миллатга мансуб иммигрантлар визаси (Green card) дастури бўйича барча визалар берилишини тўхтатиб қўйди", дейилади хабарда.
Қайд этилишича, дастур мурожаатчилари визага ариза топшириши ва суҳбатдан ўтиши мумкин, АҚШ Давлат департаменти ўз навбатида суҳбат санасини белгилашда давом этади, бироқ визалар берилмайди.
"Дастур бўйича белгиланган суҳбат саналари бошқа санага кўчирилмайди ёки бекор қилинмайди. АҚШ Давлат департаменти мурожаатчиларни хабардор қилиб боришга интилади ҳамда қўшимча янгилик бўлиши биланоқ жамоатчиликка тақдим этади", дейилади хабарда.
Браун университети содир этилган отишмалар фонида АҚШ Green card дастурини тўхтатганди. АҚШ Фуқаролик ва иммиграция хизмати (USCIS) мазкур дастур президент Доналд Трампнинг топшириғи билан вақтинча тўхтатилганини маълум қилганди. USCIS бунга Браун университетида отишма содир этганликда гумонланган шахс Green card дастури орқали Қўшма Штатларга келганини сабаб сифатида кўрсатганди.
Мактаб ва коллеж битирувчилари 1 йиллик ҳарбий хизматга жалб қилинади
Собиқ мудофаа вазири президент саройига бостириб киришни уюштиргани учун ҳибсга олинди
Индиялик кўча тозалагувчилар Петербургда қолишни исташмоқда
