АҚШ президенти маъмурияти ноқонуний мигрантларни сақлашга мўлжалланган «Аллигатор Алькатрас» марказини ёпиш имкониятини кўриб чиқмоқда. Бу ҳақда Флорида штати губернатори Рон Десантис маълум қилди, унинг сўзларидан Miami Herald иқтибос келтирмоқда.
«Ушбу объектни ёпсак, жуда яхши бўларди. Ёпиш масаласи ҳозирда муҳокама қилинмоқда», — деди у журналистлар билан суҳбатда.
Miami Herald нашрига кўра, Флорида маъмурияти ва АҚШ федерал ҳукуматининг ушбу сақлаш марказидан воз кечишга тайёрлиги уларнинг позицияси кескин ўзгарганидан далолат беради. Бунгача расмийлар уни ноқонуний мигрантларга қарши курашда намунали маскан сифатида кўрсатиб келаётган эди. Флорида штати марказни ёпишга эътироз билдирган, бироқ якунда рози бўлган.
The New York Times газетасининг ёзишича, марказ фаолиятини ушлаб туриш жуда қимматга тушмоқда ва у самарасиз деб ҳисобланмоқда. Флорида маъмурияти марказнинг кундалик фаолияти учун 1 миллион доллардан ортиқ маблағ сарфлайди.
«Аллигатор Алькатрас» атрофидаги ҳудудлар кўплаб аллигаторлар, тимсоҳлар ва заҳарли илонлар яшайдиган ботқоқликлардан иборат бўлиб, марказ 2025 йилнинг ёзида очилган эди.
Москвадаги барча аэропортлар фаолиятини тўхтатди
Россия Москвадаги парадга борадиган етакчилар рўйхатини эълон қилди
Президентнинг хотинига ҳукм чиқарган судъя ўлик ҳолда топилди
