АҚШ Адлия вазирлиги Мадуронинг ҳибсга олиниши учун қонуний асос ишлаб чиқди

АҚШ президенти Дональд Трамп маъмурияти Адлия вазирлиги Венесуэла президенти Николас Мадурони қўлга олиш бўйича операцияни асословчи янги ҳуқуқий хулосани ишлаб чиққанини маълум қилди.

Бу ҳақда The Wall Street Journal (WSJ) хабар бермоқда.

Адлия департаменти хулосасида амалиёт ҳуқуқни муҳофаза қилиш органлари фаолияти доирасида қонуний бўлганлиги айтилиши кутилмоқда.

Бош прокурор Пам Бонди қонунчилар тез орада ҳужжат билан танишишлари мумкинлигини таъкидлади.

3 январь куни Трамп АҚШ Венесуэлага қарши кенг кўламли зарбани муваффақиятли бошлаганини маълум қилди. Унинг қайд этишича, Николас Мадуро ва унинг рафиқаси Силиа Флорес қўлга олиниб, Венесуэла ҳудудидан олиб чиқиб кетилди.

Икки кундан сўнг, 5 январь куни Венесуэла етакчиси рафиқаси билан Нью-Йорк судида судга тортилди. Судда у ўз айбини тан олмади ва ҳали ҳам ўз мамлакати президенти эканлигини қўшимча қилди. АҚШ суди консуллик ходимларига Венесуэлага ташриф буюришга рухсат беришга рози бўлди. Кейинги суд мажлиси 17 мартга белгиланган.