Аpple камида 25 фоизлик тарифларга дуч келиши мумкин

Агар компания АҚШдан ташқарида iPhone смартфонларини ишлаб чиқаришни тўхтатмаса, Аpple камида 25 фоизлик тарифларга дуч келади, деди АҚШ президенти Доналд Трамп.

“Мен Аpple компаниясидан Тим Кукга уларнинг iPhone'лари Ҳиндистонда ёки бошқа жойда эмас, балки АҚШда ишлаб чиқарилиши ва йиғилишини кутаётганимни анчадан бери айтдим”, — деб ёзди Трамп ижтимоий тармоқдаги Тruth Social саҳифасида.

Аpple компаниясининг ишлаб чиқариш заводлари учта мамлакатда жойлашган: Хитой, Ҳиндистон ва Вьетнам. iPhone йиғадиган заводларнинг аксарияти Хитойда жойлашган. Ҳиндистонда, Bloomberg ёзганидек, қурилмаларнинг 20 фоизи ишлаб чиқарилади. 2024 йилга келиб Apple Ҳиндистонда iPhone ишлаб чиқаришни деярли 60 фоизга оширишга муваффақ бўлди.

Ушбу баёнотдан кейин Apple акциялари дарҳол 4 фоизга арзонлашди, деб хабар беради Bloomberg.

Трамп, шунингдек, Европа Иттифоқига 50 фоизлик бож жорий этишга ваъда берди

“Асосий мақсадда Қўшма Штатлардан савдода фойдаланиш учун яратилган Европа Иттифоқи ўзини жуда қийин ҳамкор бўлиб кўрсатди.Уларнинг йирик савдо тўсиқлари, ҚҚС, корпорациялар учун бемаъни жарималар, тарифсиз тўсиқлар, валюта манипуляцияси, америкалик компанияларга нисбатан адолациз ва бепарво даъволар ва яна кўп нарсалар Америка Қўшма Штатлари учун йилига 5 миллион доллардан ортиқ савдо даромадига олиб келди. Улар билан олиб борган музокараларимиз ҳеч қандай натижа бермаяпти, шунинг учун мен 2025-йилнинг 1-июнидан бошлаб Европа Иттифоқи товарларига 50 фоизлик тўғридан-тўғри бож жорий этишни тавсия қиламан.