Apple ақлли кўзойнакларини 2026 йил охиригача чиқармоқчи — Bloomberg

Apple ақлли кўзойнаклар устидаги ишлашни тезлаштирмоқда. Бу ҳақда Bloomberg нашри хабар берди.

Компания Meta’нинг Рай-Бан кўзойнагига рақобатчи бўлишни ва юқори сифатли маҳсулот таклиф қилишни мақсад қилган.

Apple 2026 йил охиригача ақлли кўзойнаклар ишлаб чиқаришга улгурмоқчи эканини Bloomberg мухбири Марк Гурман маълум қилди. Илгари у бундай қурилмалар 2027 йилдан олдин пайдо бўлмаслигини тахмин қилган эди.

Қурилма ҳақида кўп нарса маълум эмас: кўзойнаклар видео ёзиб олиш, сунъий интеллект ёрдамчиси учун қўнғироқлар ва овозли буйруқларни қабул қилиш, шунингдек, мусиқа ижро этиш имкониятига эга бўлади.

Қайд этилишича, компания Visual Intelligence технологиясига катта эътибор қаратмоқда ва қурилманинг ишлаши учун iPhone’га уланиш талаб этилади.

Бироқ, Visual Intelligence билан ишлаш учун камерали ғалати Apple Watch соатларини яқин келажакда кутиш бефойда — компания бу лойиҳани узоқ муддатга қолдириб қўйган.

Бунинг учун компания аллақачон бозорда тақдим этилган маҳсулотларни ички тадқиқ қилмоқда ва Атлас номи остидаги ташаббусни ишга туширган.

Агентлик манбаларининг маълум қилишича, бу ташаббус Apple ходимларидан бошқа брендларнинг ақлли кўзойнаклари ҳақидаги фикрларни тўплашни назарда тутади.