«Арсенал» хавбеки Букайо Сака Англия Премьер-лигасида ойнинг энг яхши футболси деб топилди.
21 ёшли англиялик яримҳимоячи март ойида 4 ўйинда 3та гол ва 2та ассистга муаллифлик қилди. Сака лауреат бўлиш учун номзодлар орасида Александер Исаак, Алексис Мак Аллистер, Тайрон Мингз, Муҳаммад Салоҳ ва Леандро Троссардни ортда қолдирди.
Қайд этиш жоиз, Сака фаолиятида илк марта ушбу совринга эга чиқди.
Маълумот учун, ўтган ойда Маркус Рэшфорд ойнинг энг яхши футболчиси номига муносиб кўрилганди.
