АПЛ клублари қишда Абдуқодир Ҳусанов учун қанча маблағ сарфлашга тайёр эканлиги маълум бўлди

Ўзбекистон терма жамоаси футболчисига Премьер-лига клублари қизиқиш билдирмоқда.

The Telegraph хабарига кўра, "Ланс" ҳимоячиси Абдуқодир Хусановга "Тоттенхэм" ва "Ньюкасл" каби АПЛнинг еттита клуби қизиқиш билдирмоқда.

Футболчи 2023 йилда 100 минг евро эвазига "Энергетик-БГУ"дан Франция жамоасига ўтганди. Футболчининг навбатдаги трансфери потенциал харидорларга 25 миллион фунтга (30 миллион евро атрофида) тушиши мумкин.

Ҳусановни "ПСЖ" ҳам кузатиб бораётгани аввалроқ хабар қилинганди.

Жорий мавсум Лига1 да Абдуқодир 11 та ўйин ўтказди.