Андижонлик келиннинг 44 турдаги буюмлари ўзига олиб берилди

Булоқбоши туманида яшовчи аёлнинг келинликка олиб келган 44 турдаги сепи — кийим-кечакдан тортиб маиший жиҳозларгача — Мажбурий ижро бюроси ходимлари ёрдамида ўз эгасига қайтарилди.

Бюронинг туман бўлими иш юритувига келиб тушган ижро ҳужжатига кўра, ундирувчи Д.М. фойдасига қарздор С.М.дан сеп сифатида келган барча мол-мулкни олиб бериш белгиланган.

Рўйхатда турли кийимлар, маиший техника воситалари ҳамда хўжалик анжомлари ўрин олган бўлиб, ижро жараёнида уларнинг барчаси ҳужжатда қайд этилганидек топширилиши таъминланди.

Бюро ходимларининг саъй-ҳаракатлари туфайли келиннинг 44 турдаги буюмлари энди яна ўз хонадонида.