«Ўзэнергоинспекция» Андижон вилояти ҳудудий бошқармаси томонидан ўтказилган назорат тадбири давомида Андижон шаҳрида жойлашган якка тартибдаги тадбиркор А.К. ўзининг маиший хизмат кўрсатиш масканини ўзбошимчалик билан электр тармоғига улаб, электр энергиясидан ноқонуний фойдаланганлиги аниқланди.
Ушбу қоидабузарлик натижасида, дастлабки ҳисоб-китобларга кўра, электр таъминоти корхонасига 472,5 миллион сўмлик зарар етказилгани маълум бўлди.
Ҳозирда ҳуқуқни муҳофаза қилувчи органлар томонидан терговгача текширув ишлари олиб борилмоқда.
