Дижей Дэвид Гетта хонанда Мадонна бурж сабаб у билан ишлашдан бош тортганини маълум қилди.
Бу ҳақда NME нашри ёзмоқда.
Дижейнинг сўзларига кўра, қўшиқчи у билан альбом ёзишни хоҳлаган. Ҳамкорлик тафсилотларини муҳокама қилиш учун тушлик пайтида учрашишган ва суҳбат давомида Мадонна Дэвиднинг буржи Чаён эканлигини билган.
«Тўсатдан у кинояли жилмайди ва менга «Кечирасиз, биз биргаликда ишлай олмаймиз. Сиз билан танишганимдан хурсандман. Хайр!” дея кетди”, дейди дижей.
Маълумот ўрнида, Америка поп қироличасининг буржи Арслон.
