"Ан-Наср" Элит Осиё Чемпионлар Лигаси 1/8 финал доирасидаги Эроннинг "Истиқлол" жамоасига қарши учрашувни Теҳрондан нейтрал майдонга кўчиришни сўради. Бу ҳақда Daily Mail хабар бермоқда.
Бу қарорга саудияликлар сардори Криштиану Роналду сабаб бўлган. 2023 йил сентябрь ойида "Ан-Наср" Теҳронда "Персеполис" билан учрашганди (2:0). Ўшанда маҳаллий полиция юлдузли португалиялик футболчи жойлашган меҳмонхонага киришга уринган мухлислар издиҳомини тарқатишга мажбур бўлган.
Манбанинг маълумотига кўра, Осиё футбол конфедерацияси "Ан-Наср"нинг илтимосини рад этган. Учрашув 3 март куни Теҳрондаги "Озодий" стадионида бўлиб ўтади.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Ўзбекистонлик футболчи фаолиятини Европа клубида давом эттиришга яқин
"Нефтчи" бомба трансферлар тайёрламоқда
