Аммадан жиянга салкам 180 млн сўм мулк улуши ундирилди.

Фуқаро Ж.М.нинг аммаси Н.М. билан ўртадаги ўзаро низолар чарчатгани, ундирувчининг бобосидан қолган ҳовлидаги улушини пул кўринишда олиш мақсадида судга мурожаат қилади.

Шундан сўнг МИБ Мирзо Улуғбек туман бўлими иш юритувида фуқаролик ишлари бўйича Мирзо Улуғбек туманлараро судининг ижро варақасига асосан, қарздор Н.М.дан ундирувчи Ж.М. фойдасига жами 179 млн. 800 минг сўм миқдорида қарздорликни ундириш ҳақидаги ижро иши келиб тушган.

Ижро ҳужжати юзасидан олиб борилган ижро ҳаракатлари давомида мулк улушидан қарз суммалари нақд кўринишда тўлиқ ундирилган ва шу боис ижро ҳужжати тамомланган.