Бугун 26 февраль, 2024 йил, душанба

O'ZB

Амир Абдуллоҳиан Путин ва Раисий ўртасидаги беш соатлик музокаралар тафсилотларини ошкор қилди

Амир Абдуллоҳиан Путин ва Раисий ўртасидаги беш соатлик музокаралар тафсилотларини ошкор қилди

Эрон Ислом Республикаси ташқи ишлар вазири Москвада Эрон ва Россия президентларининг 5 соат давом этган музокараларини қайд этиб, унинг муҳим қисми Фаластин масаласига қаратилганига ишора қилди, деб хабар беради Kazinform агентлиги ИРНАга таяниб.

ИРНА хабарига кўра, Эрон Ислом Республикаси ташқи ишлар вазири Ҳусайн Амир Абдуллоҳийн ўзининг ижтимоий тармоқдаги шахсий саҳифасида Раисийнинг пайшанба кунги қисқа сафари ҳақида ёзган.

“Қисқа сафарда Кремлда беш соат давомида Эрон ва Россия президентлари ўртасида муҳим музокаралар ва амалий учрашув бўлиб ўтди. Музокараларнинг катта қисми Фаластин масаласига қаратилди. Томонлар Ғазо ва Ғарбий Соҳилдаги уруш ва геноцидни зудлик билан тўхтатиш, ғазоликларнинг мажбурий депортациясини тўхтатиш ва Ғазо бўйлаб кенг кўламли гуманитар ёрдам жўнатиш учун Рафаҳ чегарасини зудлик билан очиш зарурлигини таъкидладилар. Россия ташаббусни ўз қўлига олиш имкониятини кўриб чиқмоқда”, – дейилади хабарда.

Эрон Ташқи ишлар вазирлиги раҳбари муҳокама қилинган бошқа масалаларни ҳам қайд этди.

“Икки томонлама муносабатлар, жумладан, банк-валюта масалалари, транзит, темир йўл коммуникациялари, энергетика, қишлоқ хўжалиги, фан, университетлар, технология, туризм, саноат... ҳамда минтақавий ва халқаро ҳамкорлик масалалари эътибор ва муҳокама мавзуси бўлди”, – деб ёзади вазир.

Киритилди: 11:47 09.12.2023. Ўқилди: 2729 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!