АҚШнинг активлар ҳажми бўйича энг йирик ўнталигига кирувчи Goldman Sachs банки 16 йилдан ортиқ фаолият юритган Россия бозорини тарк этмоқда.
The Moscow Times хабар беришича, банкнинг Россиядаги шўба корхонаси "Goldman Saks Bank" ўз бизнесини Balchug Capital фондига сотиш бўйича келишувга эришган ва Россия ҳукуматидан битимга рухсат олган. Президент Владимир Путиннинг тегишли фармойиши ҳуқуқий ахборот порталида эълон қилинган.
2008 йилда Россияда иш бошлаган "Goldman Saks Bank" жисмоний шахсларга хизмат кўрсатмаган, балки чет эллик инвесторлардан маблағ жалб қилиб, фонд бозорига сармоя киритиш билан шуғулланган. Россиянинг Украинага бостириб киришидан сўнг Goldman Sachs Россиядаги фаолиятини тўхтатиш ниятини маълум қилди. Уч йил ичида банкдаги корпоратив ҳисоб рақамлар деярли бўшаб қолди ва соф активлар қарийб 80 фоизга камайди. Шундай бўлса-да, ўтган йили "Goldman Sachs Bank" 551 миллион рубль фойда олди ҳамда 5,1 миллиард рубль активларни ва 3,5 миллиард рубль капитални сақлаб қолди.
Россия аллақачон Эрон ва КХДР каби барча тақиқланган давлатлардан ўзиб, жаҳон рекордчисига айланди
BRICS ва АҚШ доллари
Осиё бозорларининг қулаши кузатилди
