Америка наркокартелларга қарши уруш эълон қилди

Доналд Трамп маъмурияти Мексикадаги наркокартелларга дронлар ёрдамида зарба бериш имкониятини кўриб чиқмоқда.

NBC News’нинг манбаларга кўра хабар беришича, қўшни давлат ҳудудида фаолият юритаётган жиноий гуруҳларнинг базалари ва омборлари нишонга олинмоқда

Телеканал маълумотларига асосан, Оқ уй, Пентагон ва Америка разведкаси режалаштириш босқичининг бошида турибди. Операцияни Мексика билан ҳамкорликда ўтказиш устувор йўналиш ҳисобланади, чунки ҳаво ҳужумлари Мексика ҳукуматининг розилигини талаб этади. Бироқ, дипломатик инқирозга олиб келиши мумкин бўлган бир томонлама ҳаракатлар варианти ҳам муҳокама қилинмоқда

Манбаларга кўра, Америка маъмуриятида бу масалада ягона фикр йўқ. Кўпчилик Мексика билан келишилмаган зарбалар икки томонлама муносабатларни издан чиқариши ва ноқонуний миграцияга қарши курашда ҳамкорликни хавф остига қўйиши мумкин деб ҳисоблайди