Алкоголь ва саломатлик: Алкоголь ишлаб чиқарувчилар ЖССТ билан баҳс юритмоқда

Дунёдаги энг йирик алкоголь ишлаб чиқарувчилари - пиво, вино ва кучли спиртли ичимликлар ишлаб чиқарувчи компаниялар жамоатчилик ва халқаро ташкилотлар, жумладан, 2023 йилдан буён "алкоголь истеъмолининг хавфсиз даражаси мавжуд эмас" деб таъкидлаётган Жаҳон соғлиқни сақлаш ташкилоти (ЖССТ) томонидан кучайиб бораётган босимга қарши стратегиялар ишлаб чиқмоқда. Бу ҳақда Financial Times хабар бермоқда.

Глобал истеъмолнинг пасайиши ва солиқларни ошириш ҳамда алкоголнинг зарари тўғрисида мажбурий огоҳлантиришларни жорий этиш каби янада қатъий чоралар таклиф қилинаётган шароитда, соҳа вакиллари ЖССТнинг нуқтаи назарига очиқчасига эътироз билдира бошладилар ва мўътадил истеъмолнинг ижтимоий жиҳатларини тарғиб қила бошладилар. Диагео ва Асаҳи шундай йўл тутди. Ҳеинекен эса "жонли мулоқот"нинг афзалликлари ҳақида реклама кампаниясини бошлади.