Халқаро қиличбозлик федерацияси (FIE) Усмоновни ташкилот президенти лавозимидан четлаштириш тўғрисидаги қарор 1 декабрь куни эълон қилингани, у «федерациянинг самарали фаолиятини таъминлаш мақсадида» ўз ихтиёри билан ўз лавозимини тарк этганини маълум қилди. Бошқа тафсилотлар келтирилмаган.
Усмонов 30 ноябрь куни Тошкентда бўлиб ўтган овоз беришда FIE президенти этиб сайланган, унинг номзодини 120 делегат қўллаб-қувватлаган. Унинг асосий рақиби, Швеция қиличбозлик федерацияси президенти Отто Дракенберг атиги 26 та овоз олди.
Усмоновнинг FIE президенти этиб тайинланиши Украина қиличбозлик федерацияси (ФФУ) томонидан танқид қилинди. Ташкилот 100 дан ортиқ миллий федерацияларга тадбиркорни қўллаб-қувватлаш хатлари олдиндан ёзилгани, овоз бериш жойи сифатида Усмоновнинг ватани – Ўзбекистон танланганини таъкидлади. ФФУ уни тайинлаш қарори «олдиндан ёзилган сценарий» асосида қабул қилинган деб ҳисоблайди.
Алишер Усмонов 2008 йилдан 2022 йил мартигача Халқаро қиличбозлик федерацияси президенти ва ҳомийси бўлган ва халқаро санкцияларга учрагач, ўз лавозимини тарк этишга мажбур бўлган. Шу вақтдан бошлаб Эммануэл Катсиадакис вақтинчалик асосда FIE раҳбари вазифасини бажарди.
