"Миллий тикланиш" демократик партияси раиси Алишер Қодиров ўзбек футболи масъулларини танқид қилди.
"Туркия 2002 йилдаги Жаҳон чемпионатига битта ота ва 22 та ўғил бўлиб борган. Ривалдо, Роналдо, Роберто Карлослари бор Бразилия билан бир бош баланд ўйнаб мағлуб бўлишган. Бронза учун ўйинда эса Роналду Португалияси ва Рауль Испаниясини мағлуб этган Хиддинк Кореясини енгишган.
Ҳозир қариндошларда ҳамма нарса бор: топ мураббий, зўр футболчилар, шароит, лекин руҳ йўқдек. Туркия-2002 да бир бутун руҳ бор эди. Фотих Терим ўшанда “император” лақабини олган.
Футболга масъулларимиз миллий жамоани жангга тайёрлашдан кўра кўпроқ юз билан йиқилмаслик ҳақида ўйлаётгандек таассурот уйғонмоқда. Бунга Олимпиададаги салбий натижа сабаб бўлаётгандир? Лекин, Олимпиадада жамоа яхши ўйнади, жамоага етарли шароит яратиб берилганида, ҳатто натижа ҳам бўлиши мумкин эди.
Фикримча, хом-хаёлларни тўхтатиб, Ислом Исмоиловнинг U17сига ўхшаган бир бутун, жангчи жамоа яратиш ҳақида ўйлаш керак. Бундай жамоа натижа қилмаса ҳам ҳурмат кўради, лекин, истаги ва имкониятлари турли даражада бўлганлар билан Америка саёҳатини ўзбек мухлиси кечирмаса керак!
Миллий жамоа миллий ғуруримизга айланиб бўлди. Кореянинг Хиддинги йўқ, қайтиб бўлмаса ҳам керак. Кападзе атрофида ёш бўлса ҳам жону-жаҳди бор ўйинчиларни йиғиб, жамоавий руҳ устида ишлаш керак.
Бу менинг мухлис фикрим! Қўрққанига қўш кўринаверди, дейди халқимиз. Тўғри ўйлаб тезроқ қарор қилиш керак", деб ёзади Қодиров.
Николай Валуевга нисбатан қидирув эълон қилинди
БМТда Фаластинга доир муҳим ҳужжат қабул қилинди. Қайси давлатлар қарши овоз бергани маълум
Ўзбекистонга қайтаётган бебаҳо мерос
