Александр-Арнольднинг "Реал"даги тақдимот санаси қачон бўлиши маълум

Англиялик ҳимоячи Трент Александр-Арнольд "Реал"да ўзининг тақдимот маросимига тайёргарлик кўрмоқда, деб хабар бермоқда АS журналистлари.

Манбага кўра, "қироллик" клуби янги келган футболчини шу ҳафта таништиради. Маросим 11 июнь, чоршанба куни бўлиб ўтади.

Тадбир уй стадиони, “Сантьяго Бернабеу”да бўлиб ўтади. Эслатиб ўтамиз, Александр-Арнолд Испания грандига Англиянинг “Ливерпул” клубидан ўтган эди. Трент Мерсисайд клубининг ёшлар тизими маҳсули ҳисобланади.