"Ал-Ҳилол" "Ливерпуль" футболчиси учун 80 миллион евро таклиф қилди, аммо...

"Ливерпуль" ҳужумчи Дарвин Нуньес бўйича таклифни рад этди.

Уругвайлик футболчини "Ал-Ҳилол" сотиб олишга қизиқмоқда. Anfield Watch хабарига кўра, Саудия Арабистони клуби Нуньес учун 70 миллион фунт стерлинг (тахминан 83 миллион евро) таклиф қилган, бироқ рад жавобини олган. "Ливерпуль" ҳали ҳам форвардни сотишдан камида 85 миллион фунт (деярли 101 миллион евро) ишлаб олишни истамоқда - бу футболчи 2022 йилнинг ёзида "Бенфика"дан сотиб олинган маблағдир.

Transfermarkt экспертлари Дарвин Нуньеснинг нархини анча паст - 65 миллион евро деб баҳоламоқда. 25 ёшли футболчининг мерсисайдликлар билан шартномаси 2028 йилгача мўлжалланган.