Ўзбекистон Давлат Ёшлар театри олий тоифали актёри Йўлдошев Бобур Баҳодирович «Дийдор» ёшлар театрига раҳбар этиб тайинланди.
Бобур Юлдашев 1979 йилда Тошкент шаҳрида туғилган, маълумоти олий. Ўзбекистон Ёшлар театри қошидаги драматик санъат мактаб-студиясини тугатган. 2003 йилда Тошкент Давлат санъат институтининг «Драма театри ва кино актёрлиги» факультетини тамомлаган ва шу театрда 26 йилдан буён фаолият олиб боради.
Меҳнат фаолиятини 1995 йилда Ёшлар театрининг ёрдамчиси вазифасидан бошлаган. Театрдаги фаолияти давомида актёр 40 га яқин эсда қоларли ролларни ижро этган.
1998 йилдан буён театр билан бирга кино ва телевидение йўналишида ҳам ижодий фаолиятини олиб боради.
