Ғарб давлатларининг, хусусан Франциянинг Африкадаги таъсирининг давом этиши қитъа мамлакатларида чуқур умидсизликка сабаб бўлмоқда.
Бу ҳақда Жазоирдаги “Тинчлик учун жамият” ҳаракати етакчиси Абд ал-Али Ҳасани Шериф маълум қилди.
“Тинчлик учун жамият” ҳаракати Жазоирдаги энг йирик мухолиф исломий партия ҳисобланади. 2021-йил июн ойида бўлиб ўтган сайловлардан сўнг у 462 ўринли парламентда 65 ўринни қўлга киритиб, республика қонун чиқарувчи органидаги учинчи йирик блокга айланди.
"Француз ва Ғарб таъсирининг сақланиб қолиши (Африка мамлакатларида - таҳр.) чуқур умидсизликка сабаб бўлмоқда. Шу билан бирга, жаҳон кучлари қитъа учун фаол рақобатлашмоқда, мустамлакачилик моделларидан фарқли янги алоқа ва ҳамкорлик форматларини таклиф қилмоқдалар”, - дейди сиёсатчи.
Унинг фикрича, бу “дунёвий давлатларнинг ривожланиши, Африка халқларининг қайта туғилишини таъминлаш учун мустақиллик ва суверенитет учун қулай бўлган янги муҳит” яратди.
Шу билан бирга, Шериф унинг партияси "сиёсий режимларнинг конституциявий қонунийлигини ҳурмат қилиш зарур деб ҳисоблаб, ҳарбий тўнтаришларга қарши" эканини таъкидлади.
