"Манчестер Сити" клубининг ўзбекистонлик ҳимоячиси Абдуқодир Ҳусанов Чемпионлар Лигаси тарихига ўз номини ёзди. У плей-офф босқичида асосий таркибда майдонга тушган 21 ёшдан кичик икки футболчидан бири бўлди.
Ҳусанов Испания пойтахтида "Реал Мадрид"га қарши жавоб учрашувида иштирок этди. Учрашув майдон эгалари фойдасига 3:1 ҳисоби билан якунланди. Абдуқодир ўйинга тушган пайтда унинг ёши 20 ёш ва 356 кун эди.
Унгача бу натижага 2014 йил март ойида "Шальке-04" футболчиси Каан Айхан эришган эди. У мусобақанинг шу босқичида асосий таркибда майдонга тушганида 19 ёш ва 128 кунлик эди.
Эслатиб ўтамиз, жамоалар ўртасидаги илк ўйин Англияда бўлиб ўтган ва у ҳам испанлар фойдасига 3:2 ҳисоби билан якунланган эди. Шу тариқа, "Манчестер Сити" Чемпионлар Лигасидаги иштирокини 1/16 финал босқичида якунлади.
БАА бош мураббийи мухлисларга мурожаат билан чиқди
Қурбонлар бор: ПСЖнинг ЕЧЛ ғолиби бўлиши фожиали оқибатларга олиб келди
БАА - Ўзбекистон ўйинини қайси телеканаллар орқали томоша қилиш мумкин?
