Исмаилов Абдували Абдумаликович — Мактабгача ва мактаб таълими вазирлиги ҳузуридаги Абдулла Авлоний номидаги миллий-тадқиқот институти ректори этиб тайинланди.
У бугунга қадар Мактабгача ва мактаб таълими вазирлиги ҳузуридаги Таълим сифатини баҳолашнинг халқаро тадқиқотлар миллий маркази директори лавозимида фаолият олиб борган.
1986-йил Тошкент шаҳрида туғилган. 2006-йил Тошкент давлат иқтисодиёт университети (бакалавр), 2011-йил Тошкент кимё-технология институти (магистратура)ни тамомлаган. 2017-йил Ўзбекистон Республикаси Президенти ҳузуридаги давлат бошқаруви академиясида таҳсил олган. Педагогика фанлари бўйича фалсафа доктори.
