ЦСКА клубининг ўзбекистонлик етакчиси Аббосбек Файзуллаевга Португалия томонидан қизиқиш бўлган. Бу ҳақда таниқли футбол агенти Герман Ткаченко маълум қилди.
- Футболчи томони "Бенфика" билан музокаралар олиб бораётганди. Бироқ Лиссабон жамоаси бу трансферни сиёсий сабабларга кўра рад этди. Улар Россия билан бизнес юритмаслик яхшироқ, деган позицияда. Биз Файзуллаевни "Бенфика"га ўтишини муҳокама қилдик. Лекин биринчи босқичдаёқ клуб россияликлар билан ўзаро муносабатлар борасида рад жавобини берди. "Биз Россия билан иш қилмаймиз" деган тезис пайдо бўлди, - деди Ткаченко.
Файзуллаевга Франция, Германия, Италия ва Европанинг бошқа бир нечта клублари қизиқиш ҳам билдирмоқда.
Қайд этиш жоиз, Файзуллаевдан олдин ўзбекистонлик яна бир футболчи Ҳусайн Норчаевга ҳам Португалиянинг таниқли клубларидан бири "Брага" "оғиз солган"ди. Аммо виза билан боғлиқ муаммолар сабаб трансфер амалга ошмай қолди.
Эслатиб ўтамиз, аввалроқ 21 ёшли Файзуллаев хизматларига Туркиянинг "Галатасарой" клуби бефарқ эмаслиги хабар қилинганди.
"Манчестер Сити" бугун ўз майдонида "Лестер"ни қабул қилади
Абдуқодир Ҳусанов «Лестер»га қарши ўйинда нега тушмади?
"Реал" финалда "Атлетико" ёки "Барса" билан ўйнайди
