80 йиллик меҳнат тажрибасига эга 100 ёшли ўқитувчи

Россия Федерациясида хизмат кўрсатган фан арбоби, педагогика фанлари доктори, Санкт-Петербург давлат иқтисодиёт университетининг фахрий профессори Евгения Тонконогая қўшалоқ юбилейни – ўзининг 100 ёшга тўлгани ҳамда ўқитувчилик фаолиятининг 80 йиллигини нишонлаяпти.

Халқ таълимига қўшган беқиёс ҳиссаси учун у СССР, Беларусь ва Тожикистон Халқ таълими вазирликларининг фахрий ёрлиқлари, “Халқ таълими аълочиси” кўкрак нишони ва "Меҳнат фахрийси" медаллари билан тақдирланган. Бу мукофотлар унинг умрбод таълимга, инсон капиталига қаратилган меҳнатининг юксак баҳоси ҳисобланади.