8 ойда 310 мингдан ортиқ енгил автомобил ишлаб чиқарилди – статистика

2026 йилнинг январ–август ойларида Ўзбекистонда 310 389 та енгил автомобиль ишлаб чиқарилди. Бу 2025 йилнинг мос давридаги 284 352 тага нисбатан кўп.

Энг кўп ишлаб чиқарилган моделлардан бири Cobalt бўлиб, унинг ҳажми 107 141 тани ташкил этган. 2025 йилнинг шу даврида 99 013 та Cobalt ишлаб чиқарилган.

BYD ишлаб чиқариш ҳам сезиларли ошган — 12 930 тадан 23 850 тага етган. Onix ишлаб чиқариш 20 241 тадан 23 498 тага, Haval эса 5 303 тадан 6 227 тага кўпайган.

Айрим моделларда пасайиш кузатилган. Damas ишлаб чиқариш 57 882 тадан 55 022 тага тушган. Шу билан бирга, янги Chevrolet Damas Move модели 1 530 дона ишлаб чиқарилган. Tracker ишлаб чиқариш ҳам 29 930 тадан 29 781 тага озайган.